Pages displayed : 13573
Unique visitors : 5817
Det er no stadfesta at Ringheims Auto skal spele på Ekstremsportveko 2008! Me skal stå på uteserveringa ved teltet og mana dei onde og gode åndene til dans o.a rytmisk røyrsle! Det vert eit stort utval av kvalitetsmusikk i alle sjangrar, så grav fram nokon pengar frå dei støvete lommene og kjøp billett NO, eller stå på prestegardslandet og nyt musikken gratis!
Til alle som vart djupt skuffa og vonbrotne då dei ikkje fekk høyre Ringheims Auto på radioen kl 10 idag grytidleg: Det oppstod nemleg ei misforståing mellom oss og NRK, og den opprinnelege antakelsen om at dette skulle sendast idag kl 10 var diverre feil.
No er det på reine at det skal sendast mellom 08:00 og 09:00 natt til mandag, m.a.o grytidleg om morgonen. For dei som drog seg ut av senga idag eins ærend må me berre orsaka på det sterkaste, det skal ikkje skje igjen! Vonar Dykk har disiplin og lyst til å stå opp tidleg nok ein gong for å høyre denne historiske reportasjen!
I samband med åpninga av Demoteket ved Bergen Off Bibliotek, skal Ringheims Auto inn på teppet hjå Kulturnytt på NRK P2 , og luftast på radio i beste sendetid. Ikkje via lydstrauming på nettet, altså, men god, gamaldags, ekte radio.
Det skal snakkast om fri musikk, fildeling og korleis biblioteket kan nyttast som ein grobotn for vekstar i den kulturelle jungelen. Sendinga kjem på lufta grytidleg kl 10:00 imorgon 22. februar mellom 08:00 og 09:00 mandag 25 februar! Så ha vekkjarklokka på, og få rassen opp av senga og skru på P2 på radioen!
Me vil sjølvsagt også vere representerte i hyllene til Demoteket frå og med imorgon!
Ringheims Auto har miksa saman ein ny Digital Mixtape! Grafs til Dykk NO:
http://ringheimsauto.org/index.php/category/musikk/mixtape/
Mixen er miksa med tidskodevinyl systemet xwax, som er Fri Programvare og køyrer på GNU/Linux. Dette åpnar for (nok ein) ein ny digital era i sagaen om Ringheims Auto, der me vonar at musikk som berre ligg og sleng på nettet, og anna musikk som ellers ikkje er å finne på vinyl, kan finne vegen til dansegolv og nettradiokanalar.
Ringheims Auto har knalla ihop ein flunkande ny DJ-Mix med trommeboks og loopsampler! Me bruker berre ein platespelar, og let trommeboksen Hydrogen og loopsampleren Freewheeling gjere resten!
Sjekk og ut videoen for fleire keisame tekniske detaljar!
Google video
AVI (Video - 136MB)
Ogg Vorbis (Audio - 25MB)
MP3 (Audio - 23MB)
Ringheims Auto har kjeda seg i jola, og difor klekte me ut ein ny mixtape! Denne gonga er det ikkje rett fram etter nasa slik som vanleg, men via ein loopsampler og ein heimelaga loop pedal! Dette er starten på ein ny era i DJ-avdelinga hjå Ringheims Auto, og me vonar den kjem til å blomstra og gje åndelege opplevingar og sinnstemningar til dei som er hekta på denne musikkgreina!
Last ned loopmixtape (mp3 - 34,7MB)
Ringheims Auto har fått det ansvarsfulle oppdraget om å remiksa låten “Queda Te” for det populære latinobandet Combo Candombe! Resultatet fins under “Illegal Musikk”, og me vonar den siger ned i mellomgolvet og fordøyast godt før den kjem ut i andre enden!
Me er djevelsk krye av å kunne meddela tilgjenge av den nye websida til Combo Candombe, det populære lokale latinoensemblet! Websida er fabrikert av Ringheims Auto og utforma visuelt av Combo Candombe sin eigen grafiske avdeling. Du finn den på www.combocandombe.com, og der kan du m.a lese den dramatiske historien til bandet, eller lytta til rykande ferske låtar!
Hald øyrene åpne, for Ringheims Auto jobbar og med eit remiksprosjekt for bandet, som er retta mot næraste framtid!
Då er omsider den nye låten “Kanskje No” kome ut av sikringsskåpet og ut på informasjonshøgvegen! Last den ned med godt samvit!
Me takkar Mari for ein heidundrandes vokal og Lupo for framifrå mastring!
For det fyrste har me flytta til ny adresse. Hvis du ikkje allereie er blitt sendt til rett adresse, må du gå til http://ringheimsauto.friwebteknologi.org. Hugs å notera den nye adressa i alle relevante kontekstar frå no av, og tatover den gerne i rassen!
Det vert IKKJE publisert fleire nyhende på den gamle adressa ringheimsauto.1go.dk, gå til http://ringheimsauto.friwebteknologi.org for siste nytt!!!
Ellers har me gleda av å meddela at den nye låten omsider er ferdig!! Den skal ut av skåpet på festivalen i Househuset fyrstkommande laurdag 29.07, så pass på å vera der for å få dei ferskaste inntrykka fyrst! Ringheims Auto har vel sett ein verdsrekord i å bruke lang tid på å lage ein låt, men det var djevelsk mykje stress med nokre lydtekniske problemstillingar som kom opp undervegs. Me vonar ventinga ikkje vert forgjeves. No er det berre ei knapp veke igjen!
Det kan også nemnast at me produserte eit lite shellskript for å konvertere ape musikkfiler til meir handterlege flac-filer. Programmet konverterer alle ape-filer i mappa det vert køyrt frå, til flac-filer. Me seier frå oss alt ansvar for konsekvensar frå bruk av programmet. Det krever forresten at du har flac og mac (Monkey Audio Codec) installert på systemet ditt.
